ವ್ಯಾಸಂಗದ ಹವ್ಯಾಸ

ನನ್ನ ವ್ಯಾಸಂಗದ ಹವ್ಯಾಸವು ಒಂದು ವಿಹಾರ. ಕೈಗೆ ಸಿಕ್ಕಿದ ಪುಸ್ತಕವನ್ನು ತತ್ಕಾಲದ ಕುತೂಹಲದಿಂದ ಪ್ರೇರಿತನಾಗಿ ಓದುತ್ತ, ಓದುವಾಗ ಅದರ ಸವಿಯೊಳಗೆ ಮುಳುಗುತ್ತ, ಆಮೇಲೆ ಮರೆತುಬಿಡುವುದೆಂದರೆ ನನಗೆ ಬಲು ಪ್ರಿಯವಾದದ್ದು. ಓದಿದ್ದದ್ದನ್ನೆಲ್ಲ ಮರೆಯದ ಜಿಗುಟು ಸ್ಮರಣ ಶಕ್ತಿ ಎನಗಿಲ್ಲ. ಅದು ಆವಶ್ಯಕವೂ ಅಲ್ಲ. ಓದಿದ ಹಲವು ವಿಷಯಗಳಲ್ಲಿ ಕೆಲವಾದರೂ ಸುಪ್ತ ಜೀವನದೊಳಹೊಕ್ಕು ಅಲ್ಲಿ ನಿಕ್ಷಿಪ್ತವಾಗಿದ್ದು, ಅನಿರೀಕ್ಷಿತವಾಗಿ ನೀರ್ಗುಳ್ಳೆಯಂತೆ ಮೇಲಕ್ಕೆ ತೇಲಿ ಬರುವುದಷ್ಟೇ ನನಗೆ ಸಾಕು. ಹಚ್ಚನೆಯ ಹುಲ್ಲುಗಾವಲ ಹರವಿನಲ್ಲಿ ಸ್ವೇಚ್ಛೆಯಾಗಿ ತಿರುಗಾಡುತ್ತಾ, ಸೊಂಪಾಗಿ ಕಾಣುವೆಡೆಗಳಲ್ಲಿ ತಂಗಿ ಹಿಡಿ ಹುಲ್ಲನ್ನು ಕಬಳಿಸುವ ಹಸುವಿನಂತಿದೆ ನನ್ನ ವ್ಯಾಸಂಗದ ಹವ್ಯಾಸ.
ಡಿ.ಎಲ್. ನರಸಿಂಹಾಚಾರ‍್ ಬರೆದ ವ್ಯಾಸಂಗದ ಹವ್ಯಾಸ ಎಂಬ ಲೇಖನದ ಕೆಲವು ಸಾಲುಗಳಿವು. ಸ್ಪೂರ್ತಿದಾಯಕ,