ಸಿಂಗಾಪುರ ಯಾಕೆ ಇಷ್ಟೊಂದು ಕ್ಲೀನಾಗಿದೆ ! ?

ಸಿಂಗಾಪುರ ಯಾಕೆ ಇಷ್ಟೊಂದು ಕ್ಲೀನಾಗಿದೆ ! ?
ಅಲ್ಲಿಗೆ ಹೋಗಲೇಬೇಕೆಂದಿಲ್ಲ, ಆ ನಗರಿಯ ನಾಲ್ಕಾರು ಚಿತ್ರ ನೋಡಿದವರಿಗೂ ಇದೇ ಪ್ರಶ್ನೆ ಕಾಡದಿರದು. ಅದಕ್ಕಿಂತ ಮುಖ್ಯವಾಗಿ ಸಿಂಗಾಪುರದ ಸ್ವಚ್ಛತೆಯ ಸುತ್ತ ಅನೇಕ ದಂತಕತೆಗಳೇ ಚಾಲ್ತಿಯಲ್ಲಿವೆ. ಕಸ ಬಿಸಾಡಿದವರಿಗೆ ಅಷ್ಟು ದಂಡವಂತೆ, ಟಾಯ್ಲೆಟ್‌ನಲ್ಲಿ ನೀರು ಬಳಸದಿದ್ದವರಿಗೆ ಇಷ್ಟು ದಂಡವಂತೆ, ಮನೆಯಲ್ಲಿ ಸದ್ದಾಗಬಾರದಂತೆ...ಎಂಬ ಅಂತೆ ಕಂತೆಗಳಿವೆ. ಹಾಗಾದರೆ ಇದೆಲ್ಲ ನಿಜಾನಾ ? ನಿಜಕ್ಕೂ ಅಲ್ಲಿ ಏನು ನಡೆಯುತ್ತಿದೆ ?
ಹೌದು...ಸಿಂಗಾಪುರದ ನೈರ್ಮಲ್ಯದ ಕಥಾನಕ ಸ್ವಾರಸ್ಯಕರ. ಅಲ್ಲಿನ ಕಟ್ಟುನಿಟ್ಟಿನ ನಿಯಮಗಳ ಹಿಂದೆ ಕುತೂಹಲಕರ ಇತಿಹಾಸವೇ ಅಡಗಿದೆ. ರಸ್ತೆ ವಿಭಜಕಗಳನ್ನೇರಿ ಛಂಗನೆ ನೆಗೆದು ಹೋಗುವ ನಮ್ಮವರಿಗೆ ಸಿಂಗಾಪುರದಲ್ಲಿ ಹಾಗೊಮ್ಮೆ ಮನಬಂದಂತೆ ರಸ್ತೆ ದಾಟಿದರೆ ಹದಿನಾರು ಸಾವಿರ ರೂ.ಗೂ ಹೆಚ್ಚು ದಂಡ ತೆರಬೇಕಾಗುತ್ತದೆ ಎಂದರೆ ಬಹುಶಃ ಮೂರ್ಛೆ ಹೋಗಬಹುದು.
ಸಿಂಗಾಪುರದಲ್ಲಿ ಸ್ವಚ್ಛತೆಯನ್ನು ಕಾಪಾಡಲು ವಿಸಿರುವ ಹಲವಾರು ನಿಯಮಗಳು ಜಗತ್ತಿನ ಬೇರೆಲ್ಲೂ ಇಲ್ಲ. ನಗರಾದ್ಯಂತ ಅಲ್ಲಲ್ಲಿ ಏನು ಮಾಡಬೇಕು, ಏನು ಮಾಡಬಾರದು ಎಂದು ಸೂಚಿಸಿದ್ದಾರೆ. ನನ್ನ ಕೈಲಾಗಲ್ಲ ಎನ್ನುವ ಪ್ರಶ್ನೆಯೇ ಇಲ್ಲ.
ಸಿಂಗಾಪುರದಲ್ಲಿ ಊಹಿಸಲೂ ಸಾಧ್ಯವಾಗದಷ್ಟು ಕಠಿಣ ದಂಡವನ್ನು ವಿಸುತ್ತಾರೆ. ಸಿಗರೇಟ್‌ನ ತುಂಡು, ಕಾರ್ ಪಾರ್ಕಿಂಗ್ ರಸೀತಿ, ಚಾಕಲೇಟ್‌ನ ಕವರ್‌ನ ಚೂರು ಮುಂತಾದ ಸಣ್ಣ ಪುಟ್ಟ ಕಸ ಕಡ್ಡಿಯನ್ನು ಬಿಸಾಡಿದರೂ ತೆರಬೇಕಾದ ದಂಡ ಎಷ್ಟು ಗೊತ್ತೇ ? ಮೊದಲ ಸಲವಾದರೆ ೧೦೦ರಿಂದ ೩೦೦ ಸಿಂಗಾಪುರ ಡಾಲರ್, ಅಂದರೆ ೩೨೬೦.೧ ರೂ.ಗಳಿಂದ ೯೭೮೦.೩ ರೂಪಾಯಿ !
ಮತ್ತೆ ಅದೇ ತಪ್ಪು ಎಸಗಿದಲ್ಲಿ ಮತ್ತಷ್ಟು ಕಠಿಣ ದಂಡ ಮತ್ತು ಶಿಕ್ಷೆ ಕಾದಿರುತ್ತದೆ.
ನಮ್ಮಲ್ಲಿ ಸಾರ್ವಜನಿಕ ಶೌಚಾಲಯದ ಇನ್ನೂರು ಮೀಟರ್ ಸುತ್ತ ದುರ್ವಾಸನೆಯದ್ದೇ ಕರ್ಫ್ಯೂ ಜಾರಿಯಲ್ಲಿರುತ್ತದೆ. ಮೂಗು ಮುಚ್ಚದೆ ಅತ್ತಿತ್ತ ನಡೆಯುವಂತಿಲ್ಲ. ಶೌಚಾಲಯದ ಪಾತ್ರೆಯ ಕೊಳಕಿನ ಬಗ್ಗೆ ಇಲ್ಲಿ ವಿವರಿಸಿ ವಾಕರಿಕೆ ಬರಿಸಲಾರೆ..ಆದರೆ ಸಿಂಗಾಪುರದಲ್ಲಿ ನೀವೇನಾದರೂ ಶೌಚ ಮಾಡಿದ ನಂತರ ತೊಳೆಯದೇ ಹೊರ ಬಂದರೆ ೨,೪೪೫.೧ ರೂ. ದಂಡ ತೆರಬೇಕು ! ಆ ಖರ್ಚಿಗೆ ಸ್ವಲ್ಪ ಸೇರಿದಿದರೆ, ಅದರಲ್ಲಿ ಬಾವಿ ಹೊರತುಪಡಿಸಿ ಹೊಸ ಪಾಯಿಖಾನೆಯನ್ನೇ ಕಟ್ಟಬಹುದು. ಅಲ್ಲವಾ.ಸಾರ್ವಜನಿಕ ಸ್ಥಳದಲ್ಲಿ ಬೇಕಾಬಿಟ್ಟಿಯಾಗಿ ಕಸ, ಕಾಗದ ಬಿಸಾಡಿದರೆ ೩೨೬೦೦.೯ ರೂ. ತನಕ ದಂಡ ವಿಸುತ್ತಾರೆ. ಒಂದು ವೇಳೆ ಅಷ್ಟೊಂದು ದಂಡ ಕೊಡಲು ಒಪ್ಪದಿದ್ದರೆ ಸಾರ್ವಜನಿಕ ಪ್ರದೇಶದ ಕಸ ಗುಡಿಸುವ ಕೆಲಸವನ್ನು ನೀವೇ ಮಾಡಬೇಕಾಗುತ್ತದೆ.
ಸಿಂಗಾಪುರದಲ್ಲಿ ಸಾರ್ವಜನಿಕ ಪ್ರದೇಶಗಳ ಸ್ವಚ್ಛತೆಗೆ ಜಾರಿಗೊಳಿಸಿರುವ ದಂಡದ ವಿವರಗಳನ್ನು ನೋಡಿ..
- ಉಗುಳಿದರೆ ೬೫೨ ರೂ. ದಂಡ.
- ಸಿಗರೇಟ್ ತುಂಡು ಬಿಸಾಡಿದರೆ ೧,೬೩೦ ರೂ. ದಂಡ
- ಅಪಾನವಾಯು ಬಿಟ್ಟರೆ ೧,೬೩೦ ರೂ. ದಂಡ
ನಮ್ಮಲ್ಲೇನಾದರೂ ಇಂತಹ ದಂಡದ ಕ್ರಮಗಳು ಜಾರಿಯಾದಲ್ಲಿ ವಾಟಾಳ್ ನಾಗರಾಜ್ ಹೂಸು ಬಿಡುತ್ತಲೇ ಪ್ರತಿಭಟಿಸಬಹುದೇನೋ. ನಮ್ಮಲ್ಲಿ ಪೊಲೀಸರು ಎಷ್ಟು ಬಾಯಿ ಬಡಿದುಕೊಂಡರೂ, ಅವರೆದುರಿನಲ್ಲೇ ಕ್ಯಾರೇ ಅನ್ನದೆ ಜನ ನಿಯಮಗಳನ್ನು ಉಲ್ಲಂಘಿಸಿ ರಸ್ತೆ ದಾಟುತ್ತಾರೆ. ಸ್ವತಃ ಪೊಲೀಸರೇ ನಿಲ್ಲಿಸಬಾರದ ಜಾಗದಲ್ಲಿ ತಮ್ಮ ವಾಹನಗಳನ್ನು ನಿಲ್ಲಿಸುತ್ತಾರೆ. ಆದರೆ ಸಿಂಗಾಪುರದಲ್ಲಿ ಅನುಮತಿ ಇಲ್ಲದ ಕಡೆಗಳಲ್ಲಿ ದಾಟಿದರೆ ದಂಡ ಎಷ್ಟು ಗೊತ್ತೇ ? ೧೬೩೦೦.೪ ರೂ. ರೋಬಾಟ್ ಹಸಿರು ತೋರಿಸುವ ತನಕ ರಸ್ತೆ ದಾಟುವಂತಿಲ್ಲ. ಕಾರಿನಲ್ಲಿ ಸಂಚಾರಕ್ಕೆ ಹೊರಟಿದ್ದಲ್ಲಿ ಟ್ಯಾಂಕ್‌ನಲ್ಲಿ ಕನಿಷ್ಠ ಮುಕ್ಕಾಲು ಭಾಗದಷ್ಟು ಇಂಧನ ಇರಲೇಬೇಕು. ಆದರೆ ಇದು ಸಿಂಗಾಪುರದ ಕಾರುಗಳಿಗೆ ಮಾತ್ರ ಅನ್ವಯವಾಗುತ್ತದೆ. ಕಾರಿನಲ್ಲಿ ಒಂದೊಮ್ಮೆ ಡ್ರಗ್ಸ್ ಇದ್ದಲ್ಲಿ ಮರಣದಂಡನೆಯೂ ಆದೀತು
ಇಷ್ಟು ಓದಿದ ಮೇಲೆ ಸಿಂಗಾಪುರಕ್ಕೆ ಹೋಗುವ ಆಲೋಚನೆಯನ್ನು ನೀವು ಕೈಬಿಟ್ಟರೆ ನಾನು ಜವಾಬ್ದಾರನಲ್ಲ
ನಾಯಿ ಸಾಕಿ ನೋಡು !
ಸಿಂಗಾಪುರದಲ್ಲಿ ನಾಯಿಗಳನ್ನು ಸಾಕಿ ಮುದ್ದಿಸುವುದು ನಿಸ್ಸಂದೇಹವಾಗಿ ಸಾಮಾನ್ಯ ಸಂಗತಿಯಲ್ಲ
ಯಾಕೆ ಗೊತ್ತೇ ? ಮೂರು ತಿಂಗಳು ಅಥವಾ ಹೆಚ್ಚು ವಯಸ್ಸಿನ ನಾಯಿಗಳನ್ನು ಸಾಕಲು ಪರವಾನಗಿ ಕಡ್ಡಾಯ. ಗಂಡು ನಾಯಿಗೆ ೧೪ ಸಿಂಗಾಪುರ ಡಾಲರ್ ಶುಲ್ಕ ಇದೆ. ಹೊಸ ಅರ್ಜಿಗೆ ೬.೫೦ ಡಾಲರ್ ತೆರಬೇಕು. ಪರವಾನಗಿಯ ಚೀಟಿಯನ್ನು ನಾಯಿಯ ಕುತ್ತಿಗೆಗೆ ಕಡ್ಡಾಯವಾಗಿ ಕಟ್ಟಬೇಕು. ವರ್ಷಕ್ಕೊಮ್ಮೆ ಪರವಾನಗಿಯನ್ನು ನವೀಕರಿಸಬೇಕು. ಮೂರಕ್ಕಿಂತ ಹೆಚ್ಚು ನಾಯಿ ಸಾಕುವುದಿದ್ದರೆ ಕೃಷಿ-ಆಹಾರ ಮತ್ತು ಪಶು ಸಂಗೋಪನಾ ಪ್ರಾಕಾರದ ಪ್ರಧಾನ ನಿರ್ದೇಶಕರಿಂದ ಲಿಖಿತ ಅನುಮತಿ ಕಡ್ಡಾಯ. ನಾಯಿಗಳ ಮಾಲೀಕರು ಬದಲಾದರೆ, ನಾಯಿ ಸತ್ತರೆ, ಕಾಣೆಯಾದರೆ ಕಡ್ಡಾಯವಾಗಿ ಪ್ರಾಕಾರಕ್ಕೆ ತಿಳಿಸಬೇಕು. ಸಾರ್ವಜನಿಕ ಪ್ರದೇಶದಲ್ಲಿ ನಾಯಿ ಕಂತ್ರಿ ನಾಯಿಯಂತೆ ಬೊಗಳಿ ತೊಂದರೆ ಕೊಡುವುದು, ಸ್ಥಳ ಸಿಕ್ಕಲ್ಲಿ ಮೂತ್ರ ಹೊಯ್ಯುವುದು, ಕಚ್ಚುವುದು, ಕಾರನ್ನು ಬೆನ್ನಟ್ಟುವುದು ಮುಂತಾದ್ದನ್ನು ನಿಷೇಸಲಾಗಿದೆ. ಆದ್ದರಿಂದ ವಿಹಾರದ ವೇಳೆ ನಿಮ್ಮ ಜತೆಗಿರುವ ನಾಯಿ ವಿಸರ್ಜನೆ ಮಾಡಿದರೆ ತೆಗೆದಿಟ್ಟುಕೊಳ್ಳಲು ಪ್ಲಾಸ್ಟಿಕ್ ಚೀಲ ತೆಗೆದಿಟ್ಟುಕೊಂಡಿರಬೇಕು. ಸಿಂಗಾಪುರದಲ್ಲಿ ಸ್ವಚ್ಛತೆಗೆ ವಿಸಿರುವ ಕಠಿಣ ನಿಯಮಾವಳಿಗಳಿಂದ ಪ್ರವಾಸಿಗರಿಗೆ ಸಮಸ್ಯೆಯಾಗುತ್ತಿರುವುದು ಸುಳ್ಳಲ್ಲ. ಮುಖ್ಯವಾಗಿ ಭಾರತದಂತಹ ರಾಷ್ಟ್ರಗಳಿಂದ ಹೊರಡುವವರಿಗೆ ಅಲ್ಲಿ ಹೆಜ್ಜೆ ಹೆಜ್ಜೆಗೂ ಧುತ್ತನೆ ದಂಡ ಮತ್ತು ಸಮಸ್ಯೆ ಎದುರಾಗಿ ಕಕ್ಕಾಬಿಕ್ಕಿಯಾಗಬಹುದು. ಇದರಿಂದ ಪ್ರವಾಸೋದ್ಯಮದ ಬೆಳವಣಿಗೆಗೂ ಧಕ್ಕೆಯಾಗಬಹುದು. ಹೆಜ್ಜೆ ಹೆಜ್ಜೆಗೂ ದಂಡ ಕಟ್ಟಬೇಕು ಎಂದರೆ ಯಾರಿಗೂ ಸಿಂಗಾಪುರ ಪ್ರವಾಸ ತ್ರಾಸದಾಯಕವಾಗದಿರದು. ಯಾಕೆಂದರೆ ಮೊದಲ ಬಾರಿಗೆ ಹೋಗುವವರಿಗೆ ನಿಯಮಗಳು ಕಾಲಿಗೆ ಬಿಗಿದ ಹಗ್ಗವಾದೀತು.